ANTHROPINUS, TISARCHUS, DIOCLES

ANTHROPINUS, TISARCHUS, DIOCLES

Agathocli Syracusano Tyranno insidias fecerunt: quô compertô Agathocles iis arcessitis numerosum exercitum commisit, ut foederatae cuidam civitati ab hostibus pressae suppetias ferrent. Et cras, inquit, in Timoleontium cum armis et equis conveniem us omnemque expeditionem ordinabimus. Illi libentibus animis haec receperunt, quod etiam se militares copias ad aggrediendum Regem habituros putabant. Postridie, cum in Timoleontium convenissent; Agathocles signum ad eos comprehendendos dedit. Reliqui, auditô signô, Dioclem, Tisarchum et Anthropinum, cum universo satellitio, ad ducentos confoderunt, omnesque quotquot his opem vellent ferre, simul neci dederunt, non minus sexcentis, Polyaen. l. 5. c. 3. n. 8.